Գլխավոր
հովանավոր

VivaCell

Նորություններ

Print

13.09.2009

ՈՒՇԱԴՐՈՒԹՅՈՒՆ

2009 թ. սեպտեմբերի 11-ից սկսվում է լրագրողների հավատարմագրում` սեպտեմբերի 19-ին Երևանի «Հրազդան» մարզադաշտում կայանալիք 2011 թվականի կանանց աշխարհի առաջնության որակավորման փուլի Հայաստան – Ֆինլանդիա կանանց ազգային հավաքականների հանդիպումը լուսաբանելու համար:

Հավատարմագրերը տրվելու են անվանական եւ միայն նշված հանդիպման համար:

Հավատարմագրման համար անհրաժեշտ է ՀՖՖ մամուլի քարտուղարի անունով ներկայացնել լրատվամիջոցի ղեկավարի դիմումը` կնքված եւ ստորագրված լրատվամիջոցի ղեկավարի կողմից, որտեղ նշված է հավատարմագրվողի անունը, ազգանունը, հայրանունը, պաշտոնը։

- Արտասահմանյան լրատվամիջոցների ներկայացուցիչները պետք է ներկայացնեն նաեւ ՀՀ արտաքին գործերի նախարարությունում իրենց հավատարմագրի պատճենը։
- Ոչ մարզական թերթերից, ամսագրերից, գործակալություններից, ռադիոընկերություններից, հեռուստաընկերություններից կարող է հավատարմագրվել միայն 2 /երկու/ լրագրող։
- Մարզական թերթերը, ամսագրերը, գործակալությունները, ռադիոընկերությունները կարող են հավատարմագրել 3 /երեք/ լրագրող։
- Ֆուտբոլային թերթերը, ամսագրերը, գործակալությունները ‎‎‎կարող են հավատարմագրել 4 /չորս/ լրագրող։ ‎
- Ֆոտոգործակալությունները կարող են հավատարմագրել 3 /երեք/ լուսանկարիչ։

Փաստաթղթերը պետք է ՀՖՖ ներկայացնել մինչեւ 2009 թ. սեպտեմբերի 17-ը։

Ուշացումով եւ թերի ներկայացված փաստաթղթերով հավատարմագրում չի իրականացվի։

   
 
Պաշտոնական
գործընկերներ
Armenian Development Bank Hummel