Գլխավոր
հովանավոր

25.10.2008

Հայաստանի մինչև 17 տարեկանների հավաքականը պարտվեց իսպանացիներին

Հայաստանի մինչև 17 տարեկանների հավաքականն անցկացրեց իր երկրորդ հանդիպումը Իսպանիայում անցկացվող Եվրոպայի մինչև 17 տարեկանների առաջնության առաջին որակավորման փուլի խմբային մրցաշարի շրջանակներում: Մեր ընտրանին այս անգամ մրցեց տանտերերի` իսպանացիների հետ, ու ցավոք 0:2 հաշվով պարտություն կրեց:

Խմբի մյուս խաղում Անգլիայի հավաքականը 7:0 հաշվով համոզիչ հաղթանակ տարավ Էստոնիայի ընտրանու նկատմամբ: Երկրորդ տուրից հետո վաստակած 6 միավորով մրցաշարային աղյուսակը գլխավորում են իսպանացիները: Երկրորդ տեղում ընթանում է Անգլիայի հավաքականը (4 միավոր), Հայաստանը` երրորդն է (1 միավոր), իսկ եզրափակում են մրցաշարային աղյուսակը էստոնացիները, որոնք միավորներ դեռ չեն վաստակել:

Վերջին` երրորդ տուրում, Հայաստանը կմրցի Էստոնիայի, իսկ Իսպանիան` Անգլիայի հետ: Հանդիպումները տեղի կունենան հոկտեմբերի 27-ին: