Գլխավոր
հովանավոր

20.09.2010

ՈՒՇԱԴՐՈՒԹՅՈՒՆ

2010թ. սեպտեմբերի 20-ին սկսվում է մարզական լրագրողների, հեռուստալրագրողների, ֆոտոլրագրողների և ռադիոլրագրողների հավատարմագրում` 2010 թվականի հոկտեմբերի 8-ին և 12-ին կայանալիք 2012 թվականի Եվրոպայի առաջնության Հայաստան – Սլովակիա և Հայաստան-Անդորրա ազգային հավաքականների ընտրական հանդիպումների լուսաբանման համար:

Հայաստանի ֆուտբոլի ֆեդերացիան ս.թ. սեպտեմբերի 20-ից սկսում է լրագրողների հավատարմագրումը` Երևանի «Հանրապետական» մարզադաշտում կայանալիք 2012 թվականի Եվրոպայի առաջնության Հայաստան – Սլովակիա և Հայաստան-Անդորրա ազգային հավաքականների հանդիպումները լուսաբանելու համար:

Հավատարմագրերը տրվելու են անվանական եւ միայն վերը նշված հանդիպումների համար:

Հավատարմագրման համար անհրաժեշտ է ՀՖՖ մամուլի քարտուղարի անունով ներկայացնել լրատվամիջոցի ղեկավարի դիմումը` կնքված եւ ստորագրված լրատվամիջոցի ղեկավարի կողմից, որտեղ նշված է հավատարմագրվողի անունը, ազգանունը, հայրանունը, պաշտոնը, կցված է մեկ լուսանկար (3x4)
Արտասահմանյան լրատվամիջոցների ներկայացուցիչները պետք է ներկայացնեն նաեւ ՀՀ արտաքին գործերի նախարարությունում իրենց հավատարմագրի պատճենը։

Ոչ մարզական թերթերից, ամսագրերից, գործակալություններից, ռադիոընկերություններից, հեռուստաընկերություններից կարող է հավատարմագրվել միայն 1 /մեկ/ լրագրող։

Մարզական թերթերը, ամսագրերը, գործակալությունները, ռադիոընկերությունները կարող են հավատարմագրել 2 /երկու/ լրագրող։

Ֆուտբոլային թերթերը, ամսագրերը, գործակալությունները (հայկական ֆուտբոլին նվիրված նյութերը 40 տոկոսից ավելին) ‎‎‎կարող են հավատարմագրել 3 /երեք/ լրագրող։ ‎

Ֆոտոգործակալությունները կարող են հավատարմագրել 2 /երկու/ լուսանկարիչ։

Բացառությամբ մարզական ուղղվածության լրատվամիջոցների, մյուս ԶԼՄ-ները ՀՖՖ մամուլի քարտուղարություն պետք է ներկայացնեն նաեւ իրենց կողմից ‎հայկական ֆուտբոլի լուսաբանումը հավաստող հրապարակումներ, հաղորդումներ, լուսանկարներ:

Փաստաթղթերը պետք է ՀՖՖ ներկայացնել մինչեւ 2010 թ. հոկտեմբերի 1-ը (ներառյալ)

Ուշացումով և թերի ներկայացված փաստաթղթերով հավատարմագրում չի իրականացվի